Fitorja e tretë radhazi për Lakers, me triumf 111-108 në fushën e rivalëve të Dallas, duke iu afruar zonës play off. Anthony davis me 30 pikë e 15 kërcime si dhe LeBron James me 26 pikë bënë diferencën në fushë, duke i bërë të pavlefshme 26 pikët e Doncic dh 21 të Irving.
Ekipi i Denver mbron kreun e renditjes në Perëndim pas fitores 134-124 ndaj Clippers. Një tjetër ndeshje magjike për Nikola Jokic, që realizoi 40 pikë, 17 kërcime e 10 asist. Ndërsa 33 pikët e Leonard mbetën për statistikë. Rikthehet te fitorja edhe skuadra e Golden State, që mundi 109-104 Minnesota. Tjetër ndeshje e mirë e Klay Thompson për kampionët, autor i 32 pikëve.
Surpriza e mbrëmje vjen nga Damian Lillard, që realizoi 71 pikë në fitoren e Portland, 131-114 ndaj Houston. Ky është rekordi sezonal i pikëve të realizuara nga një basketbollist, me Lillard që realizoi 13 gjuajtje të sakta nga distanca. Edhe pse pa Antetokounmpo, i dëmtuar, skuadra e Milwaukee mundi 104-101 Phoenix (Jrue Holiday më i miri me 33 pikë).
NBA – Rezultatet
Milwaukee – Phoenix 104:101
Atlanta – Brooklyn 129:127
Chicago – Washington 102:82
Dallas – Lakers 108:111
Cleveland – Toronto 118:93
Oklahoma – Sacramento, 115-124
Golden State – Minnesota 109:104
Portland – Houston 131:114
Denver – Clippers 134:124
