Një person ka tentuar ta kryejë një grabitje të armatosur në një familje në fshatin Dashevc të Skenderajt gjatë ditës së djeshme, ka njoftuar policia.
Megjithatë, i njëjti raportohet se është kapur në flagrancë nga familjarët dhe është mbajtur në shtëpi deri në mbërritjen e njësisë policore.
Gjatë kësaj kohe ka pasur edhe përleshje mes të dyshuarit dhe familjarëve, me ç’rast një person ka mbetur i plagosur nga të shtënat me armë zjarri.
I dyshuari pas intervistimit është dërguar në mbajtje, transmeton teve1.info.
“Është arrestuar i dyshuari mashkull kosovar i cili ishte i maskuar dhe i armatosur (me një pistoletë) pasi që ka tentuar të kryejë një grabitje në shtëpinë e viktimës mashkull kosovar është kapur në flagrancë nga familjarët dhe është mbajtur në shtëpi deri në mbërritjen e njësisë policore. Gjatë përleshjes ka pasur të shtëna me armë zjarri, ndërsa njëri nga viktimat ka pësuar lëndime trupore gjatë përleshjes dhe ka pranuar tretman mjekësor. Nga i dyshuari është konfiskuar një pistoletë me 20 copë fishekë I dyshuari është intervistuar dhe me urdhër të prokurorit është dërguar në mbajtje”, thuhet në njoftimin e PK-së.
