Al-Nassr ka kontaktuar përfaqësuesit e qendërmbrojtësit spanjoll, Sergio Ramos, për një kalim të mundshëm para edicionit të ardhshëm, ka njoftuar mediumi spanjoll “Marca” të premten.
Ramosit i skadon kontrata me Paris Saint-Germainin në fund të këtij kampionati, ndërsa klubi lider i elitës së futbollit të Arabisë Saudite ka shprehur interesim për shërbimet e tij.
Në rast të transferimit, Ramosi do të bashkohej sërish me Cristiano Ronaldon.
Ramos e Ronaldo për kohë të gjatë kishin luajtur bashkë te Real Madridi.
36-vjeçari Ramos ka zhvilluar 32 ndeshje në të gjitha garat me parisienët këtë edicion.
Ka dy gola të shënuar e një asistim.
