24 shkurtin e vitit të kaluar Rusia kishte filluar agresionin rus në Ukrainë, duke sulmuar kështu kryeqytetin Kiev.
Një vit pas, ky invazion po vazhdon ende.
Përgjatë këtij viti, pasojat nga kjo luftë janë ndjerë edhe në Kosovë, në shumë fusha.
Profesori universitar, Dorajet Imeri vlerëson se kjo ka shtyrë që procesi i normalizimit të marrëdhënieve mes Kosovës e Serbisë të përshpejtohet.
E ish-profesori i ekonomisë, Muhamet Sadiku thotë se rritja e inflacionit në vend ka ardhur direkt si pasojë e kësaj lufte.
Kurse për njohësin e çështjeve të sigurisë, Fatmir Qollaku përgjatë këtij viti shpeshherë është shfaqur rreziku nacional për vendin.
Për të dëshmuar mbështetjen e popullit amerikan për Ukrainën, edhe Biden vizitoi Kievin në prag të përvjetorit të luftës ndërsa premtoi gjysmë miliard dollarë ndihmë shtesë.
E një vit pasi Rusia nisi luftën në Ukrainë, presidenti Zelenskyy u zotua para popullit të tij se viti 2023, do të jetë vit i fitores.
Kur Kremlini filloi pushtimin e Ukrainës kishte shpresuar të pushtonte vendin për një kohë të shpejtë, mirëpo që 12 muaj Moska po has në rezistencën e ushtrisë ukrainase.
Kronika e gazetrait Lindrit Zejnullahu.
