Kuvendi i Kosovës do të mbaj të premten ceremoninë e shpërndarjes së letrave të falënderimit për gazetarët ukrainas të strehuar në Kosovë, raporton teve1.info
Sipas njoftimit për medie të Kuvendit të Kosovës, ceremonia pritet të mbahet të premten (sot) në kuadër të njëvjetorit të pushtimit të paprovokuar rus në Ukrainë.
Sipas komunikatës, në emër të popullit të Kosovës organizohet ceremoni e pritjes dhe dorëzimit të letrave të falënderimit për gazetarët ukrainas të strehuar në Kosovë.
Në ceremoni pritet të mbajnë fjalë rasti presidentja Vjosa Osmani, kryeparlamentari Glauk Konjufca, kryeministri Albin Kurti dhe përfaqësuesja e gazetarëve ukrainas në Kosovë, Luidmyla Makei.
