Dyert e familjes Muhadini në Dremjak të Ferizajt janë hapur për kryeshëndoshë.
I biri i tyre, Armendi vdiq në një aksident trafiku të mërkurën mbrëma në magjistralen Ferizaj – Shtime.
Familjari i 31-vjeçarit thotë se janë tronditur për vdekjen e tij, teksa tregoi se i ndjeri ka lënë pas vetes katër fëmijë.
Ai ka edhe një thirrje për institucionet pasi në atë pjesë aksidentet me fatalitet janë të shpeshta.
E në vendin e ngjarjes ende janë prezente gjurmët e këtij aksidenti.
Një prej të lënduarve është edhe një grua shtatzënë, e cila sipas mjekëve në Qendren Klinike Universitare të Kosovës, është në gjendje të rëndë shëndetësore.
Njëri nga viktimat ishte zyrtar i Komunës së Ferizajt. Nga kjo e fundit bënë thirrje për shtim të patrullimit të Policisë në atë pjesë.
Me rastin janë duke marrë organet e sigurisë të cilët po hetojnë rrethanat e këtij aksidenti.
Kronika e gazetarit Lindrit Zejnullahu.
