“Rrezik! Ushtria ilegale e Kosovës stërvitet me municion luftarak. Shqiptarët po përgatiten për spastrim etnik të serbëve.”
Ky është një titull, i shkruar së fundmi në një artikull në mediat serbe, përmes të cilit tentohet të propagandohet.
E rastet e ngjashme, nuk janë të rralla.
Hulumtuesi i platformës “Hibrid”, Festim Rizanaj, thotë se propaganda në mediat serbe rritet kur ka situata aktive.
Kjo propagandë që shfaqet në mediat serbe, sipas profesorit universitar Dren Gërguri, bëhet në bashkëpunim edhe me institucionet qeverisëse atje.
Ndërkohë, një element tjetër i propagandës serbe u bë i ditur edhe nga Shefi i Kabinetit të Kryeminstrit, Luan Dalipi.
Të mërkurën përmes një postimi në facebook ai tregoi se një 14 vjeçare serbe e Kosovës, humbi jetën, pas lëndimit në Brezovicë, ngase refuzoi të trajtohet në spitalet më të afërta në Ferizaj, dhe Prishtinë, duke u dërguar në spitalin e Mitrovicës së Veriut,
Kjo si pasojë e narrativës serbe për mosbesim të mjekëve shqiptarë.
Kronika e gazetares Valëza Sylejmani.
