Kryeministri, Albin Kurti ka thënë se propozimi franko- gjerman është produkt i historisë prej më shumë se një dekade të dialogut të Brukselit.
Madje Kurti tha se aleatët e Kosovës e kanë dizajnuar planin si një pako e cila sipas tij, do ta avancojë anetarësimin e Kosovës në sistemin ndërkombëtëar.
“Nuk është që ne kemi negociuar dhe është sjellë propozimi, propozimi shumë më shumë ka të bëjë me historinë prej më shumë se një dekade të dialogut te Brukselit. Nuk është as produkt i përfshirjes së kërkesave negociuese të palëve, nuk është që unë kam kërkuar diçka e është në atë propozim ose pala tjetër. Aleatët e Republikës së Kosovës e kanë dizajnuar si një pako që do të avancoj anëtarësimin e Kosovës në sistemin ndërkombëtar dhe i cili përmban njohjen defakto e gjitha kjo bazuar në kartën e Kombeve të Bashkuara”, ka thënë ai./teve1.info./
