Fetoshi në emisionin “InfoNata” në Tëvë1, ka thënë se skandali i djeshëm i Bislimit është pasojë e dy faktorëve: entuziazmit pushtetor dhe mungesës së përvojës.
“Zyrtarë të lartë të Qeverisë për fat të keq janë karakterizuar me skandale të njëpasnjëshme që nuk do duhej të ndodhin, mendoj që skandali i djeshëm i Bislimit është pasojë e dy faktorëve, entuziazmit pushtetor dhe mungesës së përvojës”, tha ai.
Ai tha se kjo është një shprehje e një qasje jo serioze e zyrtarëve të lartë të institucioneve, e që përmendi edhe lëshimet e njëpasnjëshme të ministres së Punëve të Jashtme, Donika Gërvallës.
“Është shprehje e një qasje jo serioze të zyrtarëve të lartë të institucioneve por do të duhej qeveria ta kishte parasysh, jo vetëm Bislimi por edhe dje kemi pasur të fotografi jo të mirë të organizimit të pritjes së shefes së diplomacisë gjermane në aeroportin e Prishtinës nga ministrja jonë e jashtme. Nga Gërvalla kemi pasur lëshime që nuk do të duhej në asnjë mënyrë shefi i diplomacisë ti bënte”, tha Fetoshi.
Sipas tij, këto gafa dhe skandale i bëjnë dëm imazhit dhe seriozitetit të institucioneve shtetërore të Kosovës.
“Procedura e anëtarësimit të Kosovës në Këshillin e Evropës nuk është që ndalet dhe përcaktohet nga Bislimi mirëpo në anën tjetër sa i përket imazhit tonë dhe seriozitetit të institucioneve të Kosovës, janë situata të dëmshme. Besojë që Qeveria do të duhej ta adresonin këtë shqetësim publik”, tha Fetoshi.
Kujtojmë se zëvëndëskryeministri i vendit, Besnik Bislimi në një postim në Twitter, pas takimit me zëvendës-sekretarin e përgjithshëm të Këshillit të Evropës, ka thënë Bjorn Berge e ka mirëpritur iniciativën e Kosovës për aplikimin për pranim në këtë organizatë.
E këtë e ka demantuar vet zëvendës-sekretarin e përgjithshëm të Këshillit të Evropës, i cili tha se nuk është përshkrimi i saktë i asaj se çfarë ka thënë. /teve1.info/