Gjilani ka arritur fitoren e parë në pjesën e dytë të sezonit, në një terren mjaft të vështirë, kundër Drenicës në Bajram Aliu, me rezultat 1-2.
Skuadra mysafire kaloi herët në epërsi me golin e Shend Kelmendit në minutën e 2’, i cili e shfrytëzoi mirë një dalje jo të sigurt të portierit Altin Gjokaj.
Drenica barazoi në minutën e 5-të të lojës shtesë në pjesën e parë, përmes Besfort Dervishaj. Për rezultatin final, u përkujdes Baton Zabërxha në mintuën e 84’.
Me këtë fitore Gjilani mbetet në pozitën e tretë, me 32 pikë, ndërsa Drenica në pozitën e parafundit me 20 të tilla.
