Nga ky vendim, kategoritë që përfitojnë nga ky përgjysmim i çmimit të biletës së autobusëve janë fëmijët, studentët, invalidët e luftës, invalidët e punës dhe pensionistët.
Mirëpo si duket këtë vendim disa nga kompanitë e autobusëve nuk po përfillin.
Lexues të “Teve1.info”, kanë treguar se linjat e autobusëve Prishtinë-Skenderaj, nuk po e respektojnë vendimin e kësaj ministrie.
Njëri nga studentët për “Teve1.info” tha se është detyruar që të paguaj dy euro për udhëtim nga Prishtina në Skenderaj.
“Linjat e autobusëve Prishtine-Skenderaj, nuk po e respektojnë vendimin që studentet, pensionistet të paguajnë me 50% të çmimit aktual. Unë për momentin jam në bus edhe u detyrova me pagu si studente çmimin 2€”, tha lexuesi për “Teve1.info”.
Bileta për linjën Prishtinë – Skenderaj më parë ka qenë 1,80, me rritjen e çmimeve kjo biletë është rritur në 2 euro, mirëpo me vendimin e Ministrisë së dhe Planifikimit Hapsinor, ky çmim është përgjysmuar, studenti përsëri është detyruar që të paguaj dy euro për të marrë rrugë për Skenderaj. /teve1.info/
