Deputeti i LDK-së, Avdullah Hoti ka reaguar ndaj eksponentëve të partisë në pushtet të cilët kundërshtuan dërgimin për interpretim në Kushtetuese, të Projektligjit për Byronë e Konfiskimit të Pasurisë së Pajustifikueshme.
Sipas Hotit, ai që ka frikë dhe kundërshton dërgimin e ligjeve në Kushtetuese ka qëllime politike jofisnike, të cilat janë vetëm në interes të tijin.
“Ligjet dërgohen në Kushtetuese kur ka dyshime se mund të cenohet rendi kushtetues. Ai që ka frikë dhe që shpreh kundërshtim ndaj dërgimit të ligjeve në Kushtetuese ka qëllime politike jo fisnike, të cilat nuk janë në interes të qytetarëve por të tij personalisht”, ka shkruar Hoti.
