Presidenti i Serbisë, Aleksandër Vuçiq, ka thënë se është i gatshëm të bisedojë me Prishtinën, por duke shtuar se me kryeministrit e vendit, Albin Kurti nuk ka fort mundësi për bisedime.
Vuçiq gjatë intervistës në një televizion serb ka thënë se pret që në takim të bisedohet për Asociacionin e Komunave me Shumicë Serbe, por që sipas tij, Kurti fillon menjëherë të flasë për Sllobodan Millosheviqin, si dhe për Adem Demaçin dhe vuajtjet e tij, raporton teve1.info
“Menjëherë fillon të flasë për Sllobodan Millosheviqin, Adem Demaçin dhe “vuajtjet” e tij. Unë do të flas për ZSO-në, por edhe përfaqësuesit evropianë. Për të formuar ZSO-në. Jam i vetëdijshëm për truket e tij. Ata nuk mund të më befasojnë”, tha Vuçiq.
Sipas televizionit Pink TV, Vuçiq të hënën do të udhëtojë për në Bruksel për të vazhduar dialogun mes Beogradit dhe Prishtinës.
