Kompania që bën shpërndarjen e energjisë elektrike, KEDS, ka bërë të ditur se shkaku i një prishjeje në Nënstacionin 110/10kV, Klina me rrethinë ka mbetur pa furnizim me energji elektrike.
Tutje nga KEDS kanë deklaruar se po punohet në identifikimin dhe sanimin e shkakut të prishjes, gjë që mund të marrë kohë.
“Kërkojmë mirëkuptimin e konsumatorëve tanë atje dhe i sigurojmë se po punohet intensivisht në këtë Nënstacion në mënyrë që t’u kthehet furnizimi i rregullt me energji elektrike sa më parë”, thuhet në sqarimin e KEDS.
