Zeka në emisionin “Ditari” në Tëvë1, ka thënë ngritja e çmimeve si pasojë e krizës së fundit mes Ukrainës dhe Rusisë, si dhe pandemisë, është shqetësuese.
Zeka tha se reagimi institucional për ngritjen e çmimeve nuk është i duhur.
“Kjo ngritje e çmimeve pas krizës së fundit ndërmjet Ukrainës dhe Rusisë e cila pason muaj të tërë të ngritjes së vazhdueshme të çmimeve esencial të produkteve të tjera, prej shpërthimit të pandemisë, kjo është jashtëzakonisht shqetësuese. Por, ajo që besoj unë është mos reagimi i duhur i institucional në vendin tonë. Duket që përtej deklaratave që kanë, ruajtjen e çfarëdo reagimi emocional të qytetarëve realisht nuk ka asnjë veprim tjetër institucional”, tha ai.
Sipas tij, bizneset duhet të tregohen më të përgjegjshme dhe të mos shfrytëzojnë situatat e tilla.
“Bizneset duhet të tregohen shumë më të përgjegjshme dhe të mos shfrytëzojnë situata të tilla dhe pozicionet e tyre në treg”, ka thënë Zeka. /teve1.info/
