Albion Rrahmani ka vazhduar me formë të lartë dhe i ka siguruar tri pikë të rëndësishme Ballkanit. Të dielën në Suharekë, Ballkani fitoi me mund ndaj Drenicës, 2:1.
Drenica kaloi në epërsi në minutën e tetë me golin e Bintsouka Koxy. Rrahmani u përgjigj me gol të bukur në minutën e 25-të, për rezultatin 1:1. Ndërkohë golin e fitores, Ballkani e shënoi në minutën e 88-të. Sërish realizator ishte Albion Rrahmani që tani ka 12 gola në Superligë këtë edicion. Me fitore Ballkani ka mbajtur epërsinë prej tri pikëve ndaj Dritës. Udhëheq në tabelë me 44 pikë. Drenica është e teta me 20 pikë.
Është mbyllur pa fitues ndeshja në mes të Gjilanit dhe Malishevës. Ndeshja e zhvilluar të dielën në fushën me bari sintetik në Gjilan ka përfunduar baras, 2:2
Ronald Sobowale kaloi Malishevën në epërsi me golin e shënuar në minutën e 18-të, ndërsa nga penalltia barazoi rezultatin Albert Dabiqaj në minutën e 30-të.
Malisheva edhe në pjesën e dytë shënoi e para. Në minutën e 64-t, Bleart Tolaj shënoi për epërsinë e dytë 2:1. Dhjetë minuta pa përfunduar takimi, Mevlan Zeka shënoi për barazimin 2:2. Zeka humbi penalltinë. Por, ai pas topit të kthyer shënoi për të barazuar rezultatin.
Zeka shënoi edhe një gol në minutën e 93-të. Por, iu anulua për shkak të një pozite jashtë loje. Pozita jashtë lojës u konfirmua me VAR. Gjilani zë vendin e trtetë me 29 pikë, kurse Malisheva në vendin e tetë me 20 pikë.
