Presidenti i Mali të Zi, Milo Gjukanoviq, i pyetur rreth dialogut Kosovë-Serbi ka thënë se marrëveshja franko-gjermane është e vetmja rrugë përpara për të dyja vendet.
“Të gjitha idetë e tjera, si ruajtja e një konflikti të ngrirë, janë në fakt një funksion i doktrinës së shkatërrimit ndaj Evropës dhe drejt Ballkanit Perëndimor si një rajon evropian”, deklaroi Gjukanoviq.
Gjukanoviq thekson se përparimi është bërë me faktin se të dyja palët pranuan tekstin bazë të planit franko-gjerman.
“E di që në ditët në vijim do të vazhdojnë diskutimet në Bruksel për dokumentin shoqërues, planin e zbatimit. Shpresoj se do të ketë një marrëveshje edhe për këtë”, shtoi ai për Deutsche Welle.