Një përplasje fizike ka ndodhur në një kafenenë fshatin Mushtisht të Suharekës.
Siç ka njoftuar policia, dy persona, vëllezër mes vete, kanë sulmuar me mjete të forta një person tjetër.
Bëhet e ditur po ashtu se viktima ishte shok i tyre dhe para se të vinte deri te rrahja, ata ishin shoqëruar mes vete dhe kishin pirë alkool.
Lidhur me rastin një person është arrestuar dhe dërguar në mbajtje kurse tjetri është në arrati.
“Është arrestuar i dyshuari mashkull kosovar nën dyshimin se, së bashku me vëllain e tij, për motive deri më tani të panjohura kanë sulmuar me mjete të forta (dyshohet kondak arme) viktimën mashkull kosovar, shokun e tyre, me të cilin kishin qenë duke qëndruar në një kafiteri dhe dyshohet se vazhdimisht së bashku kishin konsumuar pije alkoolike. Viktima ka pësuar lëndime dhe është dërguar për tretman mjekësor, ndërsa njësitet policore kanë dalë në vendin e ngjarjes. Në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje, ndërsa i dyshuari tjetër është ende në arrati. Rasti në proces hetimor”, thuhet në njoftimin e PK-së
