Bajrami i cili tani gjendet në kufirin Ukrainë-Poloni, në një lidhje direkte në emisionin “410” në Tëvë1, ka thënë se ka fluks të madh të qytetarëve të Ukrainës që po bartën për në vende të tjera të Evropës.
“Shumë njerëz në të gjitha anët po vijnë, janë një fluks i madh i njerëzëve që po vijnë nga Ukraina dhe po mundohen të futen në autobusa që të barten në qytete të tjera të Polonisë dhe vende të tjera të Evropës”, tha ai.
Bajrami tha se më së shumti ka gra, fëmijë e pleq që po largohen nga Ukraina.
“Fluksi nuk po ndalen dhe kryesisht janë gra e fëmijë, burrat nuk janë duke ardhur sepse po mbesin në vendin e tyre që të luftojnë”, tha ai.
Ai thotë se asnjëherë nuk ka parë kësisoj solidariteti, teksa theksoi se është njëra prej krizave më humane që ka përjetuar deri më tani.
“Asnjëherë nuk kam parë kësisoj solidariteti. Me ushqim më veshmbathje të gjitha sendet e mundshme janë ardhur këtu. Është njëra prej krizave më humane që e kam përjetuar deri më tani”, tha kameramani Florent Bajrami. /teve1.info/
