Sekretare e përgjithshme të PSD-së, Teutë Rrusta ka folur për deklaratat e deputetit Haki Abazi, i cili sot u shkarkua nga pozita e kryesuesit të Komisionit për Punë të Jashtme si dhe nga Komisioni për Stabilizim Asociim.
Rrusta në emisionin “Ditari” në Tëvë1, ka thënë për Abazin se nuk është ndonjë deputet i shquar për vlera dhe moral në politikë.
Sipas saj, deklaratat e Abazit kanë qenë të rubrikës rozë dhe skandale.
“Këto konflikte çka ia bëjnë një nder debatit është që e shpërfaqin përherë e më shumë natyrën organizative të LVV-së edhe mënyra se si funksionojnë përbrenda. Është e vërtetë që deputeti Abazi nuk është ndonjë deputetë i shquar për disa vlera dhe moral në politikë, por deklaratat e tij kryesisht kanë qenë të rubrikës rozë shumë shpesh dhe të nivelit të skandalit”, përfundoi Rrusta.
Deputeti i Lëvizjes Vetëvendosje, Haki Abazi, sot në një konferencë ka thënë se kryeministri Albin Kurti ka dhënë urdhër për shkarkimin tij nga pozita e kryesuesit të Komisionit për Punë të Jashtme si dhe ai për Stabilizim Asociim, pasi siç tha, frikësohet se do të bëhet pjesë e atyre që duan ta rrëzojnë Qeverinë.
Abazi foli edhe për zhdukjen e mostrave të Astrit Deharit, ku tha se Prokuroria duhet ta marrë në pyetje kryeministrin Kurti. /Teve1.info/
