Barcelona-Manchester United është përballja më e zjarrtë në raundin e 1/16-ve në Europa League. Dueli i parë do të zhvillohet në “Camp Nou” nga ora 18:45.
Trajnerët Xavi dhe Ten Hag kanë zgjedhur titullarët e përballjes së sotme. Franck Kessie do e nisë nga minuta e parë për vendasit. Ndërkohë, treshja ofensive e Barçës do të formohet nga Raphinha-Lewandowski-Gavi.
Sa i përket United, Ten Hag i ka besuar një fanellë titullari bashkëpatriotit Weghorst në majë të sulmit. 30-vjeçari do të mbështetet nga treshja Sancho-Rashford-Bruno Fernandes.
