Edhe shteti i Iowas i Shteteve të Bashkuara të Amerikës e ka shpallur 17 shkurtin 2023, Ditë të Pavarësisë së Kosovës.
Ky vendim është marrë nga Guvernatorja Kim Reynolds, ka njoftuar Konsullata e Kosovës në Des Moines.
“Iowa Shteti partner i Kosovës në Shtetet e Bashkuara të Amerikës, ka shpallur ditën e 17 shkurtit si Ditë të Pavarësisë së Kosovës”, thuhet në njoftim.
Ndryshe konsullata ka bërë të ditur se sivjet komuna e Prizrenit, Ferizajt dhe Deçanit do të binjakëzohen me Iowan teksa së shpejti edhe Kamenica e Shtimja.
Përveç Iowas edhe shteti i Kansasit e ka shpallur 17 shkurtin 2023, Ditë të Pavarësisë së Kosovës.
