Deputeti i LDK-së, Driton Selmanaj ka thënë se ikja e popullsisë nga Kosova ka nisur të marrë përmasat e një eksodi masiv.
Sipas tij vetëm gjatë vitit të kaluar ka pasur 105 mijë aplikime për vizë në Ambasadën e Gjermanisë.
“Disa të dhëna që unë i kam siguru nga disa institucione dhe ambsada janë të tmerrshme. Fatkeqësisht kjo nxjerr konkluzionin që një numër i madh i njerëzve s’po e projektojnë më jetën në Kospvë. Vetëm në Ambasadën gjermane, për një vit gjatë vitit 2022, 105 mijë qytetarë kanë apliku për vizë. Në Ambasadën zvicerane, 38 mijë e 341 aplikues për vizë dhe nga këta, 34 mijë janë pajisur me vizë. Më 2021 vetëm në Ambasadën zvicerane kanë apliku 19 mijë e 737 qytetarë ndërkohë që 17 mijë e 90 janë pajisur me vizë”, ka thënë Selmanaj.
Tutje ai ka shtuar se gjatë vitit të kaluar kanë hequr dorë nga shtetësia 10 mijë qytetarë.
“E dhëna tjetër nga Ministria e Brendshme është që vetëm brenda dy viteve 10 mijë qytetarë të Kosovës kanë hequr dorë nga shtetësia e Kosovës. Tani nuk po na ikin vetëm qytetarët që nuk kanë pas kualifikime, po na ikin mjekët, arkitektët, inxhinierët, juristët e kështu me radhë”.
Teksa ka deklaruar se 200 mjekë e kanë lëshuar Kosovën vitin që lamë pas.
“Nga Oda e Mjekëve të Kosovës kam marrë informatë që vetëm gjatë vitit 2022 kanë ikur nga Kosova 200 mjekë. Nga 2018-2022 janë lëshuar 666 certifikata të etikës dhe ky dokument kërkohet me rastin e punësimit të mjekëve jashtë Kosovës”, është shprehur Selmanaj.
