Policia e Kosovës ka arrestuar tre persona në Prishtinë, të dyshuar për kryerjen e veprës penale “Mundësim apo Detyrim në Prostitucion”.
Të njëjtëve u është caktuara masa e paraburgimit për 48 orë nga prokurori kujdestar.
Lidhur me rastin policia ka bastisur edhe një lokal, prej ku janë konfiskuar pajisje elektronike, katër telefona mobil dhe një shumë parash.
“Janë arrestuar tre persona te dyshuar një mashkull dhe dy femra kosovar/e nën dyshimin se kanë kryer veprën penale te lartcekur. Në lidhje me rastin janë intervistuar dy dëshmitare te gjinisë femërore si dhe është kontrolluar një lokal dhe si prova materiale janë konfiskuar pajisje elektronike, katër telefona mobil dhe nje shume parashe. Pas intervistimit, me vendim të prokurorit kujdestar, te dyshuarit janë dërguar në qendrën e ndalimit për 48 orë”, thuhet në njoftimin e policisë.
