Përmes një postimi në Facebook, Krasniqi ka bërë të ditur në këtë takim është diskutuar për bashkëpunimin rajonal, trafikun urban dhe tema të tjera.
“Me iniciativën e Kryeministrit të Kosovës z. Albin Kurti, MAPL ka themeluar grupin punues për hartimin e strategjisë kombëtare për menaxhimin dhe kontrollin e popullsisë së qenve me dhe pa pronar dhe planin e veprimit. Gjatë takimit të përbashkët me Kryetarët e Komunave të rajonit të Prishtinës gjithashtu kemi diskutuar edhe për bashkëpunimin rajonal, trafikun urban dhe tema të tjera me interes për Komunat dhe qytetarët”, ka shkruar Krasniqi.
Krasniqi është shprehur i lumtur se me iniciativën e MAPL-së, për herë të parë janë krijuar instrumentet e financimit të partneritetit ndërkomunal CIF, me qëllim të rritjes së mbështetjes së Komunat e Kosovës.
Ministri i MAPL-së ka njoftuar se në këtë takim ka marrë pjesë me ftesë të kryetarit Përparim Rama. /Teve1.info/
