Kryeministri Albin Kurti i ka mbledhur partnerët e koalicionit në dyvjetorin e fitores në zgjedhjet e 14 shkurtit 2021, ku së bashku morën 50.2 % në zgjedhjet parlamentare.
“Bashkë sot, sikurse me 14 shkurt 2021, sikurse në secilën ditë të këtyre dy viteve. Bashkë përballë sfidave e detyrave që kemi përpara. Me përkushtim që nuk zbehet. Me përgjegjësi që rritet”, ka shkruar Kurti
Ai ka thënë se fitorja e shkurtit ishte vetë ndryshimi demokratik ku fitoi e gjithë shoqëria
“Fitorja e madhe e shkurtit ishte ndryshe, sepse ishte vetë ndryshimi demokratik. Ishte fitore, sepse fituan qytetarët dhe e gjithë shoqëria. Ajo na rikujton më së miri vullnetin dhe pritjet e popullit, të cilit do t’i shërbejmë çdo ditë me përpikmëri dhe devotshmëri”, ka shkruar tutje ai.
“Bashkë deri në realizimin e plotë të zotimeve tona për punësim dhe drejtësi”, ka përfunduar Kurti.