Grupi parlamentar i LDK-së ka pritur në një takim delegacionin e Komisionit për Integrimin Evropian, nga Kuvendi i Shqipërisë.
Deputeti i LDK-së, Avdullah Hoti, ka shkruar se është esenciale që në temat që lidhen me dialogun me Serbinë apo aplikimin për anëtarësim në organizata ndërkombëtare, Kosova të bashkëpunojë dhe të marrë mbështetje nga Shqipëria.
“Shqipëria e ka pëkrahur në të gjitha proceset Republikën e Kosovës dhe në këtë takim u zotuam për një koordinim më të fuqishëm në politikat tona në arenën ndërkombëtare e për aspiratat e përbashkëta”, ka shkruar tutje Hoti.