Ministria e Kulturës ka vazhduar serinë e diskutimeve të hapura mbi kulturën, përmes bashkëbisedimit në mes të ministrit Hajrulla Çeku dhe komuniteteve artistike.
Diskutimi i radhës u mbajt në Kino Armata në Prishtinë ku fokusi ishte në fushën e muzikës.
Çeku tha se gjatë takimit me komunitetin e “skenës së pavarur muzikore”, janë diskutuar çështje të ndryshme që nga hapësira e deri te statusi i artistit.
Ministri në fund falënderoi të gjithë pjesëmarrësit, dhe kontributin e gjithsecilit për zhvillimin e artit në Kosovë.
