Policia e Kosovës, ka arrestuar dy presona dhe ka zbuluar tre laboratorë ku në dy nga ta ka pasur rreth 1200 bimë narkotike dhe njëri nga ta sipas PK-së ka qenë me pajisje për kultivimin e bimëve narkotike.
Aksioni me emrin “Shpata” sipas PK-së është realizuar në tri lokacione.
“Gjatë realizimi të këtij operacioni antidrogë është arritur të zbulohen tre (3) laboratorë me bimë narkotike; dy laboratore me rreth 1200 bimë narkotike, si dhe laboratori i tretë (pa bimë) me pajisje të sofistikuara për kultivim të bimëve narkotike në të. Njësitet policore deri në këtë fazë kanë arritur të arrestojn dy (2) persona të dyshuar meshkuj serb, përderisa të gjitha veprimet tjera policore në proces po ndërmerren dhe do të ndërmerren ne bashkërendim me organet e drejtësisë”, thuhet në komunikatë, raporton teve1.info.
Për këtë aksion ka shkruar edhe ministri i Brendshëm, Xhelal Sveçla, i cili ka thënë se njëri nga laboratorët e shkatërruar është në pronësi të personit cili sulmoi Policinë e Kosovës në Urën e Bistricës muajin e kaluar. Ndërsa njëri nga të arrestuarit është vëllai i tij./teve1.info
