Ministër i angazhuar për Diasporë në Maqëdoninë e Veriut, Xhemail Çupi ka bërë një krahasim mes diasporës së Kosovës dhe asaj të Maqedonisë.
Çupi tha se diaspora e Kosovës është më e fokusuar rreth politikave dhe kontribuon me votat dhe investimet e tyre në vendin amë, ndërsa në Maqedoninë e Veriut është një situatë krejt tjetër.
Sipas tij, diaspora ka një dozë mosbesimi ndaj institucioneve të Maqedonisë së Veriut.
“Në konsiderojmë se diaspora e Kosovës ka fokus më të përqendruar rreth politikave të vendit amë të tyre është më e lidhur dhe në njëfarë mënyre ka kontribuar me votat investimet dhe tyre. Ndërsa në Maqedoninë e Veriut kemi një situatë tjetër, për shkak se akoma llogaritet një dozë e mosbesimit ndaj institucioneve shtetërore”, ka deklaruar ai në emisionin “Info Nata” në Tëvë1.
Çupi thotë se po bëjnë përpjekje që t’ua bëjnë me dije diasporës së situata ka ndryshuar.
“Ne po përpiqemi që t’ua bëjmë të qartë se tashmë ka ndryshuar situata. Ne po bëjmë përpjekje të vazhdueshme që ta ruajmë mirë balancën ndëretnike edhe nëpër institucionet shtetërore”, ka përfunduar ai. /Teve1.info/
