Sead Ahmetaj, shqiptari që jeton në Bursa të Turqisë, ka folur për organizimet vullnetare që kanë bërë komunitetet atje për të ndihmuar të mbijetuarit dhe të lënduarit nga tërmetet.
Ahmetaj në një lidhje direkte në emisionin “Ditari” në Tëvë1, tha se në Bursa janë bërë më shumë se 20 vende të grumbullimit për ndihma për të prekurit nga tërmetet.
“Populli është mobilizuar, ku në qytetin e Bursës janë bërë më shumë se 20 vende të grumbullimit për ndihma për të prekurit e tërmetit”, tha ai, teksa shtoi se “në vendet e grumbullimit të ndihmave për paketimin dhe bartjen e tyre jemi shumë studentë shqiptarë që studiojnë në Bursa”.
Po ashtu, Ahmetaj tha se të prekurit nga tërmetet po i ndihmojnë me gjëra ushqimore, veshmbathje si dhe mjete financiare.
“Në Bursa duke filluar nga gjërat ushqimore, veshmbathje batanije për ngrohje dhe shumë gjëra tjera, por edhe pa i lënë anash edhe gjërat financiare. Kanë bërë një grumbullim të madh më shumë se 20 pika dhe po vazhdon të bëhet grumbullimi i i tyre për 24 orë pa ndal”, ka deklaruar Ahmetaj. /Teve1.info/
