Kryeministri Albin Kurti ka thënë se Asociacioni i Komunave me Shumicë Serbe është Zajednicë e Hashim Thaçit dhe Isa Mustafës.
Sipas tij, po të ishte opozita e sotme në pushtet “moti do të ishte kryer çështja e Asociacionit”.
“Mos harroni, më datën 3 qershor 2020 pasdite unë e kam lëshu Zyrën e Kryeministrit. 18 ditë më vonë më datën 21 qershor 2020 janë mbajt zgjedhjet e Serbisë në Kosovë. Ka qenë tjetër kush në Qeveri. Më datën 16 janar 2022 nuk u mbajt referendumi i Serbisë në Kosovë. Me datën 3 prill 2022 nuk u mbajtën as zgjedhjet e Serbisë në Kosovë. Dallimi është drastik. Asociacioni i Komunave me Shumicë Serbe është Zajednicë e Hashim Thaçit dhe Isa Mustafës”, ka thënë Kurti
Tutje ka shtuar se ai duhet të ketë mbështetje, kur Zëvendës-Ndihmës Sekretari amerikan i Shtetit, Gabriel Escobar deklaron se një njeri nuk mund ta ndalë Asociacionin.
“Zajednica e Hashim Thaçit dhe Isa Mustafës nuk po zbatohet se ka Qeveri demokratike. Edhe për fund kur po jep deklarime Escobari, po thotë për ni njeri nuk nalet Asociacioni. Ai është momenti kur ju duhet me dalë me thanë, kryeministri nuk është vet. Po ju nuk dilni, ju heshtni. Kur Escobari thotë një njeri nuk e nal Asociacionin në Kosovë, atëherë pres deputetët me dalë edhe me thanë kryeministri kundër asociacionit monoetnik të Serbisë nuk është vet”, ka thënë Kurti.