Policia e Kosovës ka arrestuar në Prishtinë dy te dyshuar për posedim dhe shpërndarje të lëndëve narkotike.
Sipas njoftimit thuhet se pas kontrollit të personave të dyshuar në rrugën “Kadri Halimi” në Prishtinë, te të njëjtit janë gjetur edhe sekuestruar substanca narkotike që dyshohet të jetë e llojit kanabis.
“Kësisoj, më datë 07.02.2023, rreth orës 19:00, në rrugën “Kadri Halimi” në Prishtinë, policia pas marrjes së informatave në rrugë operative si dhe mbështetur mbi bazën e dyshimit të arsyeshëm, ka kryer një kontroll të personave ndaj dy të dyshuarve, duke i kapur në flagrancë, me ç’ rast ka gjetur dhe sekuestruar një sasi të konsiderueshme të substancës narkotike që dyshohet të jetë e llojit kanabis (marihuana)”, thuhet në njoftim.
Bëhet e ditur se të dyshuarit janë shtetas të Kosovës, 18 dhe 27 vjeçar, teksa ndaj të njëjtëve është hetim në drejtim të veprës penale “Blerja, posedimi, shpërndarja dhe shitja e paautorizuar e substancave narkotike, psikotrope ose analoge”.
Kurse me aktvendim nga ana e prokurorit të shtetit, i dyshuari i parë është dërguar në qendrën e mbajtjes prej 48 orësh, ndërkaq i dyshuari i dytë është proceduar më tej./teve1.info./
