Presidentja e vendit, Vjosa Osmani ka udhëtuar për vizitë zyrtare në Mal të Zi, ku sot do takohet me presidentin Milo Gjukanoviq dhe kryeministrin Dritan Abazoviq.
Në njoftim bëhet e ditur se gjatë këtij takimi do të diskutohet për situatën aktuale politike dhe të sigurisë në rajon, përcjell teve1.info
“…Përveç konfirmimit të marrëdhënieve të shkëlqyeshme ndërshtetërore, do të diskutohet edhe për situatën aktuale politike dhe të sigurisë në rajon si dhe mundësitë e thellimit të bashkëpunimit”, thuhet në njoftimin e presidencës.
Osmani do t’i vizitojë po ashtu qytetet e Ulqinit dhe Tuzit.
“Në Ulqin, Presidentja Osmani përveç takimit me Kryetarin Omer Bajraktari, do të realizojë takime të ndara me përfaqësuesit e partive shqiptare në Mal të Zi dhe një grup intelektualësh dhe miqsh të Kosovës. Kurse në komunën e Tuzit, pas takimit me Kryetarin Nik Gjeloshaj do ta vizitojë një nga bizneset e suksesshme të kësaj komune, i cili njëherit është edhe investimi më i madh nga Kosova”, thuhet tutje në njoftim. /Teve1.info/
