Tre persona janë arrestuar nga Policia e Kosovës, pasi që të njëjtit dyshohet se kanë kryer vepër penale lidhur me rastin e vdekjes së dyshimtë, e cila ka ndodhur në dhjetor të vitit të kaluar, ku një person dyshohet se kishte rënë nga një lartësi, me ç’rast edhe kishte pësuar lëndime të rënda e më pas kishte ndërruar jetë.
Sipas Policisë, ndaj një personi është hapur rast për veprën “Asgjësim, dëmtim apo heqje e pajisjeve mbrojtëse dhe rrezik në vendin e punës”, ndërsa ndaj dy të dyshuarve të tjerë është hapur rast për kallëzim të rremë, pasi që ka rezultuar një mos përputhje e fakteve me deklaratat e tyre, raporton teve1.info.
Vdekja e dyshimtë kishte ndodhur më 28 dhjetor të vitit të kaluar, në Obiliq, konkretisht në fshatin Shkabaj. Vdekja e viktimës ishte konstatuar nga ekipi mjekësor.
https://teve1.info/lajmet/vdes-nje-qytetar-bie-nga-lartesia/
