Kryetari i Aleancës për Ardhmërinë e Kosovës, Ramush Haradinaj pas tërmetit vdekjeprurës në Turqi dhe Siri, i ka propozuar Qeverisë së Kosovës ndarjen e një fondi emergjent për ofrimin e ndihmave humanitare dhe ofrimin e ndihmës së njësive operacionale nga FSK-ja.
Haradinaj, ka thënë se në këto momente mendimet e tyre janë me familjet e viktimave dhe të plagosurit, raporton teve1.info
“I prekur thellë nga ngjarjet tragjike pas tërmetit të fuqishëm që goditi sot Turqinë. Mendimet tona janë me familjet e viktimave dhe të plagosurit. Në këto rrethana të vështira për popullin e Turqisë, lutemi që kjo gjendje të kalojë me sa më pak viktima dhe me sa më pak dëme!”, ka shkruar Haradinaj.
“I propozoj Qeverisë së Kosovës ndarjen e një fondi emergjent për ofrimin e ndihmave të nevojshme humanitare dhe ofrimin e ndihmës së njësive operacionale nga FSK-ja”, shtoi ai
Kujtojmë se, të paktën 227 persona vdiqën në Turqi nga një tërmet 7.8 shkallësh. Mbi 630 persona të tjerë u lënduan, ndërsa tërmeti goditi edhe një pjesë të Sirisë./teve1.info
