Ashtu si në ndeshjen e fazës së parë, Vedat Muriqi ndëshkoi sërish Real Madrid. Sulmuesi 28-vjeçar që aktivizohet me Mallorca-n, zhbllokoi sfidën në minutën e 13-të pas një harkimi të Rodrigez. Futbollisti i përfaqësueses së Kosovës i mori kohën mbrojtësit Nacho dhe me një goditje të bukur me kokë ndëshkoi portierin Lunin.
Për Muriqin ishte goli i nëntë në këtë sezon të La Liga-s duke u konfirmuar si lideri i Mallorca-s teksa këtë sezon skuadra e bomberit shqiptar pretendon një vend në Kupat e Europës.
