Drejtori për Informim i AAK-së, Lulëzim Blaka ka reaguar ndaj deklaratave të opinionistit Sadri Ramabaja ndaj krerëve të UÇK-së, ku përmendi edhe kreun e kësaj partie, Ramush Haradinaj.
Blaka ka thënë se UÇK-ja është pasuri e trashigimisë shqiptare, teksa ka thënë se nuk duhet të harrojmë sakrificën që kanë bërë ata.
Blaka ka bërë thirrje që të mbështeten politikat dhe programet që nxisin sundimin e ligjit, arsimimin dhe zhvillimin ekonomik, si e vetmja rrugë për të respaktuar veprën e të rënëve.
“Mbështetja e politikave dhe programeve që nxisin sundimin e ligjit, arsimimin dhe zhvillimin ekonomik është e vetmja mënyrë për të mbajtur gjallë kujtimin për ta dhe për të nderuar veprën e tyre”, shkroi ai ndër të tjera.
