Në këtë fotografi shihet afër disa aktivistëve të Lëvizjes Vetëvendosje.
Rilind Gërvalla figuron edhe në listën e kontribuuesve në raportet financiare të këtij subjekti.
Gërvalla këtë javë është emëruar edhe drejtor i Radio Televizionit të Kosovës.
Por, emërimi i tij është kritikuar nga monitoruesja e këtij procesi, Flutura Kusari.
Kjo thotë se është zhgënjyese se një aktivist i partisë në pushtet është zgjedhur drejtor i mediumit teksa kërkon që vendimi të anulohet.
Emërimin e Gërvallës e ka kritikuar edhe anëtari i Komisionit për Mbikëqyrjen e Medieve, Mërgim Lushtaku.
Tutje, deputeti opozitar akuzoi partinë në pushtet edhe për kapjen e ndërmarrjeve tjera publike.
Televizioni ka kontaktuar me Gërvallen me qëllim që të marrë një qëndrim prej tij, por përkundër deklarimit se do të përgjigjet brenda minutave, më pas, ai ka qenë i paqasshëm në telefon.
Po ashtu televizioni ka bërë përpjekje të marrë një qëndrim edhe nga Lëvizja Vetëvendosje për këtë çështje, por as nga kjo parti nuk është arritur të merret një përgjigje.
Kronika e gazetarit Lindrit Zejnullahu.