Ministria ka njoftuar se pas reshjeve të borës kompanitë e kontraktuara nga MMPHI, kanë intervenuar për pastrim të borës dhe hudhje të kripës, raporton teve1.info
“Edhe në viset malore ku ka pasur reshje më të mëdha të borës rrugët janë të kalueshme. Kompanitë gjatë tërë kohës do të punojnë në pastrimin e rrugëve për qarkullim sa më të sigurtë të automjeteve”, thuhet në njoftim.
MI ka kërkuar nga vozitësit që të kenë kujdesë më të shtuar gjatë vozitjes pas reshjeve të borës.
Njoftimi i plotë:
Sipas informacioneve nga terreni nga menaxheret e mirëmbajtjes së rrugëve, gjendja e rrugëve në vendin tonë është e mirë, të gjitha rrugët janë të qarkullueshme për komunikacionin e automjeteve.
Pas reshjeve të borës kompanitë e kontraktuara nga ana e MMPHI-së, kanë intervenuar me pastrim të borës dhe hudhje të kripës në shtresat qarkulluese për shkak të sigurisë në komunikacion gjatë tërë kohës.
Edhe në viset malore ku ka pasur reshje më të mëdha të borës rrugët janë të kalueshme.
Kompanitë gjatë tërë kohës do të punojnë në pastrimin e rrugëve për qarkullim sa më të sigurtë të automjeteve.
Kërkojmë nga ana e vozitësve që të ketë një kujdes më të shtuar gjatë vozitjes.
