Gjykata Themelore në Prizren ka vazhduar masën e paraburgimit edhe për një muaj ndaj Dibran Hoxhës dhe pesë të tjerëve, për vrasjen e 31-vjeçarit nga Kukësi në Prizren.
Gjyqtarja e procedurës paraprake ka konsideruar se janë plotësuar kushtet ligjore për vazhdimin e masës së paraburgimit, ngase sipas arsyetimit të pandehurit me qëndrim në liri, mund të fshihen apo arratisen me qëllim të shmangies nga përgjegjësia penale.
“Gjithashtu, duke marrë parasysh mënyra dhe rrethanat nën të cilat dyshohet se janë kryer veprat, veçanërisht vepra penale e vrasjes së rëndë, duke marrë parasysh faktin se të dyshuarit janë të njohur për organet e drejtësisë, pasi që janë kryer të veprave penale të natyrës së ndryshme, Gjyqtarja e procedurës paraprake ka konsideruar se vazhdimi i paraburgimit në këtë fazë është i domosdoshëm dhe i arsyeshëm”, thuhet në njoftimin e Gjykatës që zëdhënësi Marcel Lekaj e ka bërë të ditur për teve1.info.
I pandehuri Dibran Hoxha dyshohet të ketë kryer veprat penale; vrasje e rëndë; mbajtja në pronësi, kontroll ose posedim të paautorizuar të armëve; dhe manipulim me prova
Kurse të dyshuarit A.V., B.M., J.B., K:G., dhe E.A., dyshohen për veprat penale; “Manipulim me prova” dhe “pjesëmarrja në rrahje”.