Deputeti i Vetëvendosjes, Arbër Rexhaj ka thënë se 6 kushtet të cilat kryeministri i paraqiti në këmbim të themelimit të Asociacionit, opozita i konsideronte si kushte ndaj tyre.
Ai në Facebook shkroi se për këto kushte kryeministri kërkoi mbështetje nga opozita dhe se ato janë vendosur ndaj Serbisë e jo ndaj opozitës.
“6 kushtet e KM Kurti për Asociacionin, opozita PLDAAK i konsideronte si kushte ndaj saj! Kaq shumë që e kanë përbrendësuar Asociacionin ata! Ato janë 6 kushte ndaj Serbisë e për çfarë KM Kurti kërkoi mbështetje të Kuvendit të Kosovës, jo kushte ndaj opozitës kosovare”, ka shkruar Rexhaj.