Bob Bauer, avokat i presidentit amerikan, Joe Biden, ka deklaruar se nuk janë gjetur dokumente të klasifikuara gjatë kërkimit që ka kryer FBI-ja të mërkurën në shtëpinë e Bidenit.
Avokati Bauer në një deklaratë për media ka thënë se kërkimi ishte “planifikuar” me mbështetjen e plotë të presidentit Biden.
Ky kërkim nga FBI zgjati rreth katër orë dhe është kryer për të gjetur dëshmi për posedim të dokumenteve të klasifikuara nga Bideni.
“Disa materiale dhe shënime të shkruara me dorë që duket se datojnë në kohën e zotit Biden si zëvendëspresident midis 2009 dhe 2017 u morën për shqyrtim të mëtejshëm”, ka shtuar Bauer, raporton BBC.
Kërkimi është i fundit në një seri të kryer në vende të ndryshme, pasi dokumentet e klasifikuara u gjetën në Qendrën Penn Biden – një zyrë e tij në Washington në fund të vitit të kaluar.
