Mijëra njerëz morën pjesë në varrimin e tyre me 30 janar të vitit 1990.
E pas 33 vitesh, në Stanoc të Ulët të Vushtrrisë u ngrit lapidari i dy dëshmorëve të kombit, Sadik Malaj e Sadri Maksuti.
Familjarët rrëfejnë për Tëvë1 momentet kur kuptuan për rënien e tyre.
“…Fjalë ky ka lanë të mira gjithë, ka qenë i dashtun për neve, ka qenë prind i mirë po neve na la herët”, tha Naser Maksuti, djali i dëshmorit Sadri Maksuti.
E për të u recituan edhe vargje.
“Ju lakmoj shokëve të mi kur i shoh me gjyshërit e tyre, po ty të largoi edhe prej babit …”, recitoi ndër të tjera nipi i dëshmorit Sadri Maksuti.
Bisedën e fundit që e pati me Sadik Malaj e kujton biri i tij, Bedriu derisa tregon si e kishte kuptuar vrasjen e babës.
“Deri një orë para se me vra unë jam kanë me të…”, u shpreh ai
Malaj e Maksuti kanë qenë aktiv në organizime e protesta. Vepra e tyre u përkujtua e u lartësua edhe në këtë përvjetor.
Sadik Malaj e Sadri Maksuti kanë rënë dëshmorë në 30 janarin e 1990-ës në Stanoc të Ulët.
Kronika e gazetares Albiona Hajdari.
