Megjithatë, sipas këtij njoftimi, bileta mujore është zbaritur për 0,50 cent si dhe është shtuar edhe bileta ditore dhe ajo javore.
“Për të gjithë përdoruesit e rregullt, çmimi i biletës mujore nga 14.00€ do të zbresë në 13.50€
Në anën tjetër, për t’iu përshtatur nevojave të të gjithë qytetarëve, kemi përfshirë në planin tarifor biletat javore dhe ditore shumpërdorimëshe:
• Bileta Ditore përfshin udhëtime vajtje-ardhje pa limit përgjatë 24 orëve, me çmimin 0.80€
• Bileta Javore përfshin udhëtime vajtje-ardhje pa limit në të gjitha ditët e javës, me çmimin 4.00€
Një biletë e rregullt autobusi, e cila mund të përdoret vetëm për një drejtim, do të ketë çmimin 0.50€”, thuhet në njoftim.
Sipas komunikatës, kjo është bërë nga Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të përmirësimit të shërbimit të transportit publik.
Sipas komunikatës, kartelat javore dhe mujore mund të blihen në pikat e shitjes së Trafikut Urban:
Kioska me logon e Trafiku Urban, prapa Objektit të Komunës së Vjetër (tek “Plepat”), dhe
Kioska me logon e Trafiku Urban, në lagjen Kodra e Diellit, tek “Banesat e Bardha”.
Ndërsa, Biletat Ditore 24 orëshe dhe ato me një drejtim, mund të blihen në autobus, duke u pajisur me kupon fiskal.
Plani i ri tarifor do të aplikohet nga data 31 janar 2023.
