“Kjo vetëm do ta zgjatë luftën. Nëse ShBA-ja dhe Rusia nuk mund të merren vesh, gjë që nuk është në horizont, lufta nuk do të përfundojë”– tha presidenti kroat të enjten gjatë vizitës në një fabrikë në Zagreb.
Madje, ai shtoi se se shtetet e Bashkimit Evropian nuk do të marrin kurrë pjesë në këto çështje.
“Sipas disave, lufta e tretë botërore ka filluar. Unë do të qëndroj jashtë kësaj. Sa u përket tankeve, tanket ruse dhe tanket amerikane mund të digjen mirë në mënyrë të barabartë”– tha Milanoviqi.
Shtetet e Bashkuara njoftuan të mërkurën se do të dërgojnë tanke “Abrams” në Ukrainë. Gjermania, Spanja e Norvegjia thanë se shtetit të përfshirë nga lufta do t’i dhurojnë tanke të prodhimit gjerman, “Leopard 2”.
