Përveç Berishës, të përjashtuar për 10 ditë janë Flamur Noka, Belind Këlliqi, Edmond Spaho dhe Edi Paloka.
“U sollën në mënyrë të pahijshme dhe jo etike duke penguar zhvillimin e rregullt të seancës dhe duke shkaktuar kaos. Zaptuan foltoren”, thuhet në kërkesën e grupit parlamentar të Partisë Socialiste për përjashtimin e deputetëve.
Në seancën e së enjtes, Berisha dhe deputetë të tjerë të PD kërkuan të futej në rend të ditës çështja e ish-zyrtarit të FBI-së, McGonigal. Kërkesa e tyre u rrëzua nga deputetët e mazhorancës, por sërish deputetët e opozitës nuk u larguan nga foltorja.
