Sipas tij, secila organizatë ndërkombëtare ka kriteret e veta për anëtarësim, por që KE-ja është më shumë prioritare dhe se e rëndësishme është që aplikimi të jetë i suksesshëm.
“Prej fillimit të mandatit kemi përditësuar një strategji me departamentin për organizata ndërkombëtare dhe kemi prioritete nëpër organizatat se ku duhet anëtarësuar, secila ka procedurat e veta, diku kemi mbështetje por KE ka qenë një organizatë me prioritet dhe besoj që ne do të aplikojmë momentin e duhur do ta gjejmë, nuk është vetëm në dorën tonë po i bëjmë përgatitje. Kur po flasim kemi grupet punuese që po punojnë në këtë drejtim dhe është e rëndësishme më shumë sesa shpejtësia që aplikimi në fund të jetë i suksesshëm sepse kemi pasur raste kur kemi apliku në organizata dhe nuk kemi pasur sukses”, tha Ahmeti në “Ditari” në Tëvë1.
Tutje, ai tha se nuk e dijnë numrin e saktë të njohjeve të Kosovës por që është optimist se ato do të jenë të rëndësishme.
Po ashtu, Ahmeti ka folur edhe për procesin e blerjes së ndërtesave të ambasadave nëpër botë, ku tregoi se Qeveria ka ndarë nëntë milionë euro për këtë procedurë.
Ai thotë se deri në fund të mandatit të tyre, do të blihet një numër i madh i ambasadave nëpër shtete të ndryshme, teksa tregon dy vendet ku do të fillohet me këtë proces.
“Për dy arsye për të treguar seriozitetin tonë përqendrimin tonë në vende të caktuara, e dyta në kuptimin financiar. Pra është kursim sepse paguajmë shumë për qeratë e ambasadave. Po ta bënim këtë ma herët, nga shpallja do të kursenim shumë më shumë jemi ku jemi qeveria ka ndarë për 9 milionë euro dhe vendimi që është marrë dhe ne jemi autorizu si MPJD të fillojmë procedurat për blerjen e ndërtesave për ambasadat në Uashington dhe në Londër”, shtoi ai./teve1.info/
