Banka Qendrore e Kosovës ka njoftuar se paneli për përzgjedhjen e kandidatëve për Guvernator të BQK-së, ka përcaktuar listën e kandidatëve për ta dërguar në Kuvendin e Kosovës.
Lista përbëhet prej: Ahmet Ismailit, Lulzim Ismajlit, Nexhat Kryeziut dhe Shkendije Himajt.
Njoftimi i plotë:
Mbështetur në Ligjin nr. 03/L-209 për Bankën Qendrore të Republikës së Kosovës, si dhe në kriteret e përcaktuara në konkursin për plotësimin e pozitës së Guvernatorit/es të Bankës Qendrore të Kosovës, Paneli për përzgjedhjen e kandidatëve për pozitën si më sipër, ka përcaktuar listën e kandidatëve (renditje alfabetike) për ta dërguar në Kuvendin e Kosovës, si në vijim:
- Ahmet Ismaili,
- Lulzim Ismajli,
- Nexhat Kryeziu,
- Shkendije Himaj.
Pas përfundimit të veprimeve procedurale të parapara me aktet juridike në fuqi lidhur me kandidatët e cekur më lartë, propozimi (lista e kandidatëve) do të procedohet sipas Ligjit nr. 03/L-209 për Bankën Qendrore të Republikës së Kosovës.
