Javëve të fundit, po kërkohen diskutime për themelimin e asociacionit me shumicë serbe.
Një diskutim me këtë temë e ka paralajmëruar ambasada e Shteteve të Bashkuara të Amerikës në Kosovë më 31 janar.
Në atë takim janë ftuar zyrtarë qeveritarë, liderë politikë, diplomatë e drejtues të shoqërisë civile.
Ndërkohë katër komunat potenciale të asociacionit, ende janë pa kryetarë.
Mitrovica Veriore, Zubin Potoku, Zveçani e Leposaviqi nuk kanë përfaqësues për këto diskutime.
Njohësi i çështjeve politike Visar Xani thotë se nuk do të jetë pengesë në aspektin procedural mungesa e tyre.
E politologu Fidan Ukaj thotë se Lista Serbe mund të nxjerrë pretekst asociacionin, për shtyrje të zgjedhjeve në atë pjesë edhe njëherë.
Për më shumë se dy muaj, të gjithë zyrtarët serb të institucioneve në atë pjesë kanë dhënë dorëheqje nga pozitat e tyre.
E kthimin e tyre në institucione dhe diskutimet për asociacionin kanë kërkuar edhe ndërkombëtarët.
Kronika e realizuar nga Fetije Kamberi
